Festdag med Bodil Nordjore og Bygdekvinnelaget
Skulen var knapt i gang i haust då Bygdekvinnelaget ved Hilda Nes kontakta skulen og lurte på om me var interessert i ein bakedag med Bodil Nordjore.
Ei slik gåvepakke sa me sjølvsagt ja til, og me takkar bygdekvinnene med Hilda Nes i spissen for eit strålande flott initiativ. I år er havre sentralt tema i Norges bygdekvinnelga, og elevane laga ikkje mindre enn fire produkt med havre som ingrediens denne dagen. 4. - 7. trinn her på skulen og på Fjone baka ein heil dag saman med Nissedal bygdekvinnelag og Bodil. Havrelefse, havreflarn, havrebrød, og ikkje minst ekteskapslykke fekk elevane lage.
Bodil er ute med rykande fersk bok i desse dagar, men hadde tid til ein dag med skuleelevane i Nissedal. Det er flottt!
Litt informasjon og prat i starten på dagen
Å lese oppskriftene godt før ein set i sving er nødvendig.
Bygdekvinner og elevar i skjønn forening.
Ivrige elevar med kyndig støtte og hjelp.
Flotte, velsmakande havrelefser ser dagens ljos (i alle fall ei lita stund...)
Her må det handmakt til.
Foreldre stakk innom og fekk smaksprøver
Ein flott gjeng som også fekk besøk av ordføraren denne minnerike havredagen.
Tilbake til startsida
Ansvarleg:Bent Arve Bratås